Nimin (17.05.2016) khan Champhai DC Conference Hall-ah District Consultative Committee /District Level Review Committee chu Pu C. Lalzarliana Addl. DC kaihhruaina hnuaiah 2015-16 quarter tawp ber a hmalak na te thlirlet in an thu khawm. He meeting ah hian Pu SP Sarmah, Chief Manager Lead Bank Champhai(Convener), Pu Amitiva Dutta Regional Manager, Regional Business Office, Aizawl leh Pu Pranab Pegu RBI, Pu C. Pachhunga (SDO Sadar) leh Line Department hotu hrang hrang te an tel a ni.
Meeting ah hian Bank in hmalakna hrang hrang a neih te sawi ho na hun neih niin, tun aia Champhai District mipui te tana hlawk zawk leh tangkai zawka hman theih tura hma lak na tur te sawiho a ni. He hunah hian March quarter 2016 a Bank hrang hrang hnathawh te thlir let a ni a.31.3.2016 thleng hian Champhai District a bank zawng zawng CD Ratio chu 72.68% niin, Bank ho zawng zawng hian Priority Sector Advance ah target(40%) chu an khum vek ani.Prime Minister Employment Generation Programme(PMEGP) hnuai ah hian bank hrang hrang ah dilna lutin sanction 57(Rs 132.9 lakhs) siam tawh a ni.Housing Scheme a loan pek chhuah zawng zawng chu Rs 4999.47 lakhs ni in educational loan Rs 55.91 lakhs pek chhuah a ni bawk.PMMY(Mudra Loan) hnuaia loan sanction tawh zat chu rs 432.72 lakhs niin account nei mi 464 a awm tawh bawk.
Meeting ah hian Start UP India Yojana hawnna hun neih nghal niin, he programme in a tum ber chu ST/Sc member emaw chhungkaw nu ber hnena hlawk zawk a sum lakluh dan inzirtirna neih a ni. Kum 2016-2017 Financial year ACP(Annual Credit Plan) target pawh DDM, NABARD Champhai te kaltlanga sawi ho niin, target atan hian SBI Rs 10.50 Cr, MRB Rs 22.20 Cr, MCAB Rs 5.25 Cr., HDFC Rs 1.80 cr, IDBI Rs 1.60cr, Canara Bank Rs 1.55 cr pek vek an ni. He target hi Champhai District tan bik a siam a ni.
DCC Meeting neih zawh hnu hian RBI representative Pu Pranab Peggu atangin Soiled Notes leh Mutilated Notes ( Pawisa Chhia) thleng dan in zirtirna neih nghal a ni. He hun hi Bank hrang hrang atanga aiawh lokal ten an hmanpui bawk a ni.
