Sawrkar laipuiin Supreme Court thu peka Samari Mi Tha (kawng laka hliam tuar leh harsatna tawk tanpuitute) humhimna tur kaihhruaina a tih chhuaha Samari Mi Thate chungchang police-in an exam-na emaw trial neih lai emawa zawm ngei tur Standard Operating Procedure chu a hnuaia mi ang hian siam a ni:
1. Samari Mi Tha chu zah taka enkawl tur a ni a; sakhua, hnam, mipa/hmeichhia a nih vang emaw thil dang eng vang mahin en hranna a awm tur a ni lo.
2. Accident vanga thihna leh hliam tuarte chungchang telephone hmanga police hnena report-tu chu thil thlen dan mit ngeia hmutu (eye-witness) a nih loh chuan tu nge a nih leh khawia cheng nge a nih te, ama mimal nihna tilang thei tur eng mah a tarlan a tul lo vang.
3. Vanduaina tawhna hmuna thleng hmasa police official-te’n Samari Mi Tha chu a hming, nihna, address, phone number leh a dang eng mah an phut tur a ni lo.
4. Police emaw tute mahin Samari Mi Tha chu court-ah witness-a tang turin an nawr lui thei lo vang. Witness a nih duh leh duh loh chu Samari Mi Tha kutah a innghat a ni.
5. Samari Mi Tha hian witness-a tan a duh loh chuan police official-te hnenah inhliam emaw thi emaw chungchang a hrilh hnuah a duh hun hunah kaltir tur a ni.
Police-te’n Samari Mi Tha zawhna an zawh dan tur:
1. Samari Mi Tha chuan witness-a tan a duh chuan zawhna zawttute’n zah takin an dawr tur a ni a; sakhua, hnam leh mipa/hmeichhia nih vanga inthliarna eng mah a awm tur a ni lo.
2. Investigating Officer chuan Samari Mi Tha tana hun leh hmun remchang a ngaihtuah tur a ni a. Samari Mi Tha-in police station tlawh kher a duh loh chuan a chenna in emaw, sumdawnna hmun emaw, hmun remchang dang emaw a duh apiang a thlang mai tur a ni.
3. Samari Mi Tha chu police station-ah kher kawm a tul chuan Investigating Officer chuan a chhan leh vang chiang takin a ziak tur a ni.
4. Samari Mi Tha-in police station a zawhna zawh a duh chuan ti khawtlai lo leh hun hman rei zawng bituk sa thlapin kawm tur a ni.
5. Samari Mi Tha-in Investigating Officer hriatthiam loh tawng dang a hmang a nih chuan Investigating Officer chuan tawng lettu a ngaihtuah tur a ni.
