Vawiin khan champhai DC Conference Hall ah Champhai khaw chhunga office hrang hrang te ina khuarel chhiatna a thlen thula lo hmachhawn dan tur leh a tawrhna lo tihnep dan tur an buatsaih te chu thlirhona neih a ni. SP Office,  PWD,  PHE, CMO leh DC Office te atangin presentation thlirho a ni a,  DM&R atanga mithiam ten heng presentation leh office hrang hrang Disaster Management plan te chu endik in rawtna tha zawk te pawh pe in,  Dr.  Lalrokima Chenkual Asst Director (Trg)  chuan khuarel chhiatna leh a kaihhnawih chungchangah zirtirna a pe a ni.

Thutkhawmah hian Office hrang hrang Disaster Management plan la siamlo te chu siam thuai tura hriattir an ni a,  fire extinguisher la neilo te pawhin September thla chhung ngeia nei tura ngen leh hriattir an ni bawk.  Thutkhawm hi Pi Lalsangpuii Hmar,  Addl DC champhai chuan a kaihruaia,  Champhai District Disaster Management Authority Chairman  Pu Vanlalngaihsaka chuan kalkhawm te chu lo lawmin khuarel chhiatna chu engtik lai pawha thleng thei a nih a vangin a tawrhna ti nep zawnga lo hmachhawn hi kan mawhphurna theuh a ni a ti. He hunah hian Champhai khaw chhunga Office hrang hrang hotute an tel tha hle a,  DM&R Directorate atanga mithiam ten an telpui in champhai DC kutah DM&R Department chuan walkie - talkie set thum an hlan bawk a ni.

Attachment

  • Loading attachment...