Vawiin chawhma Dar 11:00Am khan D.C’s Conference Hall-ah “Capacity Building Programme of Beti Bachao Beti Padhao” tih thupui a hmangin inzirtir na hun hman a ni. He hun hi Pu. VL. Zuithanga, Project Coordinator BBBP, Siaha in a kaihruaia, Pi Lalnunmawii, SDO(S) chuan khuallian niin a hmanpui bawk.

Khuallian Pi. Lalnunmawii chuan thu sawiin, he hun kan hman chhan chu India rama Child Sex Ratio hniam zualna District hrang hrang za (100) thlan chhuah zingah kan District hi  a tel ve a, he BBBP Scheme hi Kum 2005 atang khan  kalpui tan niin, he scheme in a tum ber chu Nu pum chhunga naute, hmeichhia a nih avanga tihhlum thin tihtawp nan a siam a nih thute a sawi a. Nimahsela, Mizoramah chuan hmeichhia an nih avanga tihhlum chu an awm a rin loh thu te bakah, hmeichhiate hi zirna leh In chhungkhur engkimah tih chak a, chhawmdawl an ngai a hle a ni tiin, a bik takin thingtlang lamah tan lak nasat angaih thu te sawi langin, he BBBP Scheme hi hmeichhiate  Mipa te aia chungnungtir lam a ni lo a ti a. Mahse, Pathianin min siam ang takin intluktlanna kan mamawh a, hmeichhia nih avanga zirna ngaih pawimawhsak lohte, In lam hna chauh thawk tura ngaihna te hi kan tihtawp a ngai a, ngaihtuahna thar nena hmeichhe naupangte kan enkawl a pawimawh ziate sawiin, BBBP Scheme a tum ber tih hlawhtlinna kawnga tan latu leh puangzar tu ni theuh turin kalkhawmte chu a sawm bawk a ni.

He training na hun ah hian Dr. David Zaitinvawra, DCPO leh Pi Hepaw Hlychho, Circle Officer, ICPS ten kalkhawmte hnenah zirtirna hun an pek bakah zawhna leh chhanna hunte hman a ni bawk.

He training na-ah hian  Siaha Town chhunga sawmbik NGO’s te leh Kohhran hrang hrang aiawh te bakah V.C te an telkim hle a ni. 

Attachment

  • Loading attachment...