Vawiin khanAgricultural Technology Management Agency (ATMA) Champhai District bultumin I & PR Conference Hall CHANEM ah Farmers Scientist Interaction programme neih ani a, he programme ah hian Vaimin eichhetu pangang Fall Army Worm chungchang ICAR Scientist Kolasib atanga lokal te nen zir ho ani.

He hun hi Pu. C. Lalhriatpuia, Project Director, ATMA chuan kaihruaiin vawiin a an zirthiam thar te chu an put darh a pawimawh zia te a sawi a ni. Panelah ICAR Scientists te an thu a. Fall Armyworm chungchangah zirtirna leh zawhna leh chhanna hun an nei a ni. Dr. Saurav Saha, Scientist, Agriculture Physics chuan FAW enkawl dan chungchang zirtirna in bul atana, Farmer ten hlawkthlak an tiin zawhna tam tak chhan tur an zawt zui a, engtia FAW hi Mizoram a lo lut nge a nih tih atang a FAW chu Loneitute'n awlsam zawk a an control theih dan te zawhna leh chhanna ah hian hman a ni. Dr. M. Chinlampianga, DPD, ATMA chuan zawhna leh chhanna hun hi kharin Pu. Dajied Lalthlamuana, BTM, ATMA chuan lawmthu sawina hun hmangin he hun hi a khar a ni.

Fall Army Worm chungchangah Awareness Campaign neih chhunzawm nghal niin DDT hi a tawih ral theih loh avangin a hlauhawm em em a, DDT thlaia phul chu engtikah mah a thih ve loh avangin a hlauhawm reng a, thlai pakhat ah thlem te te chauh a awm thin a, nimahse DDT hmanga thlai kah leh enkawl chi hrang kan ei tam chuan Mihring tan a hlauh awm a, kan ei tam chuan kan taksa ah DDT a tam telh telh a, chu chuan natna chi hrang hrang kan taksaah thlen in Cancer te hial a thlen theih avangin kan thlai enkawl te reng reng hi DDT hmangin kan kap tur a ni lo a ni a ti a, ram tam takah chuan DDT hi an khap tawh hial thu tarlang a ni.

Eng thlai pawh ching dawn ila, kan phunna tur emaw chinna tur hmun ah kan duh duh chemical kan phul tur a ni lova, mithiamte'n tih dan tur an tih leh hman tura tha an tih chauh hman hian thlai tan a him a, natna lakah a him fo thin thu tarlan a ni a, thlai an chin te hrik in a man a nih chuan damdawi chi khat chauh a kah leh enkawl loh tur a nih thu leh mithiam te'n tha an tih chi 3 lai pawh hman a pawi loh thu an sawi a ni.

Be lam chi behlawi, behliang, bekang leh be chi hrang hrang te hi kan huan emaw lo emaw sir kualah ching ila, kan thlai te hi Fall Army Worm lakah kan venghim thei dawn a ni a ti a, he pangang hian thlai nem lam a ei thin avangin be lam chi hi a chang a a ei vak hriat ala ni lova, zinchianna atangin he pangangin tui a neih hian huan sir kilah te be lam kan chin chuan a tui chu vaimim lamah thli in a len tur a veng a, be awm na ah a lo keu ang a, an ei theih a awm loh avangin chutah chuan an tawp tawp mai thin niin tarlan a ni a, hei bakah vaimim emaw a ei duh chi thlai nem lam reng reng chu bichilh lutuk lova tuh emaw chin hian an lo bawm a nih pawhin an inthlah pung har bik niin tarlang a ni a, Thlai chi 80 vel an bawm thei a, vaimim a awm loh chuan Fu ah an tuan deuh ber ni a tarlan a ni bawk.

Pangang hi a rawng pangngai chu a hring a nih laiin a vara tial an awm ve bawk a, chutiang an hmuh chuan chu pangang tial chu tih hlum hnuah rawtsawm a tui nen pawlh hnuah Vaimim kah nan hman tur a ni a, vaimim eichhe tu pangngai chu chu chuan a that ve leh thei niin tarlan a ni.

Programme zawh hnuah Chhungte khua a Vimim chinna hmunah te kalin, Fall Army Worm enkawl dan practical a zirtirna pek nghal an ni.