Vawiin chawhmadar 11:00 khan Champhai D.C Conference hall-ah Champhai Bawrhsap Pu Vijay Kumar Bidhuri, IAS hovin Champhai a Independence Day lawm dan tur rel a ni. A hmunatanchhangphut field a nianga, zing dar 10:00 ah tan tur a niang.

Independence Day 2012 lawmna turah hian Champhai khawpui chhunga department leh zirna in hranghrangte mawhphurhna leh chanvo pek an ni a. Heng bakah hian Independence Day pualin infiamna chi hranghrang- Football, Volley Ball, Basket Ball leh Badminton tournament te buatsaih a ni dawn a.

Champhai-a India Zalenna ni lawmna turah hian mipuiten hlim taka he ni hi an hman theihna turin sawrkar department bakah tlawmngai pawl hrang hrang a te pawh chanvo pek an ni. MHIP Sub-Hqrs, Champhai in pangpar Lam te an entir anga, Champhai Govt.College atangin Group Singing leh Cultural Club ten hun an hmang dawn bawk a ni. Independence Day lawmna khuallian tur hian Mizoram Sawrkar-a Minister sawm nise ti a rel a ni.

Vawiin Independence Day lawmna tur rel zawh hnu hian Champhai D.C kaihhruaiin District Co-ordination committee neih nghal a ni. Champhai District chhunga sawrkar department hranghrang ten an hmalaknaleh an harsatnate an sawiho a ni.