Vawiin chawhma dar 11:00 khan D.C Conference Hall-ah Champhai District Bawrhsap Pu Lalthangpuia Sailo, IAS kaihhruaina in Krismas leh Kumthar lo thleng tur Champhai mipui ten boruak muanawm tak hnuaia hman anih theih nan Dan leh Thupek chungchang meeting pawimawh tak neih a ni.

He meeting ah hian hetiang hian thutlukna siam a ni- Halpuah leh bengchheng siam thei chi reng reng, zu leh ruihtheih thil dang reng reng te kum danga lo tih thin anga khap leh tur a ni a.Heng hun laia Sub-Hqrs YMA te hma lak thinna ah pawh tha zawka an duty zel theih nan D.C in an thingpui in na tur senso a ngaihtuah sak dawn a ni.

Police leh Excise department te heng hunah hian an indaih loh thin avangin security cell a tulna hmunah din nise, Medical Staff te mamawh huna pan mai theih leh biak pawh theih a an awm reng theih na turin ni 24 -25 December 2012 atanga 1st January 2013 zanah te hospital duty awm ngei turin C.M.O/Medical Supertindent te hnenah ngenna thehluh nise.

Krismas leh Kumthar vuakvet chhung hian lirthei che vel chungchang ah, Excise dept. lamin MLTP Act in a huam chin ang ah Vehicle che vel rinhlelhawm ni a hriat te uluk taka check nise, Police dept. lamin zu leh ruihtheih thil dang zuar, in lama check ngai ni a ngaihte check tura ruahman a i bawk a. Veng tin V.C ( a bik takin Town Area ah) te hnenah krismas leh kumthar felfai taka hman a nih theih nan theih tawp chhuah a tlangau a au tura hriattir nise tih te an rel a ni.

Vawiin meeting ah hian Dan leh Thupek kengkawhtu lam department te, Chanchinthar lakhawmtute, Tlawmngai Pawl te an kal khawm a ni.