Art &Culture Minister Pu PC Zoram Sangliana chuan tunlai khawvelah zaithiam leh lemchang thiamte kutkawih te hi mipuiin hlutna chang kan hriat hle lai hian mahni hlawkna duha a ruk a rala lo thehdarh (piracy) hi thil sual lian tak, ruk rukna chi khat a ni, a ti.

He thu hi vawiina Aizawl Temple-a Lalremthangi Pautu Music Video Album, “Ka tling si lo Lalpa & Kan hun i hai lawng aw” a tlangzarhna a a sawi a ni. Minister chuan zaithiam mipui mithmuha inpho lang thin te tan hian hun vawn dik a pawimawh bik a, eng kawng pawh zawh ila mahni hnaa inpek leh tih tak takna thinlung hi hlawhtlinna bul a ni fo thin, a ti.