Vawiin khan Champgai UD&PA Office chuan National Urban Livelihood Mission (NULM) programme hawnna hun I&PR Auditorium-ah hmangin, he hmalakna hnuaia Employment Through Skills Training and Placement (EST&P) a training turte leh, Training centre tura thlante zirtirna leh fuihna hun hman a ni.

Vawiin hun hi Pi V.Lalmuanpuii, District Urban Development Officer, Champhai chuan a kaihhruai a. EST&P hi khawpui chhunga miretheiten kutthemthiamna an neih theihna tura ruahman a nih angin, ngelnghet taka eizawnna tham thiamna an chherchhuah ngei a beisei thu a sawi a. Sorkarin bultanna tur kawng min siamsak a, a hlawhtlinna chu traning turte kutah a innghat a, a hlawkna pawh trainee-te tel tur vek a nih avanga thahnem ngai tura chahin, training centre te pawhin hlawkna ringawt um lova, mirethei zawkte chawikan nana theihtawp chhuah turin a sawm a ni. He hunah hian NULM Champhai a Manager leh Community organiser te pawhin thu an sawi a ni.

Employment Through Skills Training and Placement-ah hnuaiah hian trade 13-ah training hi kalpui tur niin, training tur hian mi 270 an thlang chhuak a ni.