MZP Sub Headquarters Kepran  te buatsaih in 1st August,2015  khan  Kepran khua a zirlai ti thate  chawimawina  Kepran Community Hall ah bialtu MLA Pu R.L. Pianmawia, Deputy Govt. Chief Whip hovin  neih a ni.

Zirlai kalkhawmte hnenah khuallian  Pu R.L. Pianmawia chuan  hlawhtlinna nei tur chuan Pathian tih leh Nu leh Pa thuawihna  a pawimawh zia  leh zirnaa mi hlawhtling  chherchhuah theihna tur chuan  zirtirtu leh Nu leh Pa  te, zirlai te tanrual a tul takzet a ni tih sawiin  zirlai kalkhawmte chu ruihhlo laka inthiarfihlim  theuhin kan ram mamawh Doctor leh Forest  Service lam te hawi  zawnga zirna kalpui thiam tur in a chah a, engkawng  zawng pawh a eizawnna thianghlim leh hlawhtling nei turin  zirlaite chu fuihin  duhsakna a hlan a ni.

Pu T Lallawmsanga, Vice President,   MZP Sub Headquarter Kepran in a kaihhruai  chawimawina programme ah  hian  Kepran MZP hruaitu te pawh in thusawiin  hun hlimawm tak  a hman a ni. Pu R.L. Pianmawia hian MZP Sub-Hqrs Kepran lehkhabu buatsaih  ‘Career Guidance’ a tlangzarh  a, kum 2015 exama HSLC hnuai lam class tina  titha te leh pakhatna atanga pathumna leh 0 grade leh First Division a pass te  hnenah Certificates sem in zirlai titha mi 20 hnenah Dictionary  a hlan nghal bawk a ni.