Vawiin chawhnu dar 1:00 khan Champhai Venglai Community Hall-ah NLUP- 3rd & 4th instalment atana One Vilage-One Crop chungchang sawiho a ni a. Champhai District Bawrhsap Pu Sangdingliana chuan he hun hi hman puiin programme a kaihruai nghal a ni.
Champhai District Bawrhsap chuan sawihawnna neiin NLUP 1st & 2nd Instalment zawh a ni tawh a, 3rd & 4* Instalment tih leh tan mek a niin hmun thenkhat ah phei chuan 3rd Phase 1st instalment Rs. 10000/- sem chhuah anih tawh thu sawiin tuna kalphung thar khaw pakhatin eizawnna inang/ hlawm khat nei tura hmalak dan tur atan khaw tin VC kalkhawm te chuan an khaw tana tha tur leh hlawhtlinpui ngei turin a ngen nghal a ni.Hlawm khat anga kalpui anih dawn avangin 3rd & 4 Installment atana 3rd Phase 1st Installment lo dawng tawh te chu an khaw pum tana trade hlawm khat thlan a nih tak avangin a hma a an lo lak tawh pawh chu NLUP beneficiaries te tana tha tur anih dawn chuan sawrkar chuan hloh mai pawh a hreh loh thu a tarlang ani.
Champhai District NLUP Nodal Officer Pi Rochuangkimi Khenglawt pawhin Sawrkar hmalak turn dan hrilhfiahin khawtin VC kalkhawn te chuan an khaw tana trade thlan tur a zawt chhuak nghal a. Line department hrang hrang officer ten sawifiah ngai te an sawifiah nghal zel bawk a ni.
