Champhai District ER Observer Pu B. Lalhmingthanga hovin vawiin khan Champhai DC Conference Hall-ah Electoral Roll kalpui mek chhungchang thlirhona hnuhnung ber neih a niin, Final Roll hi nakum January 15 ah tar chhuah anih tur thu sawilan a ni.

Observer Pu B. Lalhmingthanga chuan ram roreltu turte thlang tura thlangtu dik takten an thlan theih nan ER ennawn hna chu fimkhur taka kalpui a pawimawh thu a sawi a. ECI in kalphung tur a duansa zulzuia ER buaipuituten hna an thawh avang leh ER felfai tak neih theihna tura political party leh tlawm ngai pawlte puibawmna leh finchhuahna an dawn avangin lawmthu a sawi.

Tuntuma ER a inthunluh tum, hnawl tak engemawzat an awm thu Observer chuan tarlangin, tun tuma hnawl takte chuan riltu tihnual mai lova, Draft Roll ennawn leh hunah an tan huntha a awm zel tur thu a sawi.

Champhai DC Pu Zoengsanga chuan ER chungchangah political party leh tlawmngai pawlte tawiawm na leh thawhpuina dawn thin anih avanga lawmthu sawiin, a hun taka ER chinfel anih theihna tura mipui lamin pawh in an chanvo an hlen chu lawmawm atih thu leh VC in thlan leh tur atan ER buaipui chu hman anih tur thu a sawi bawk.

He Draft Roll ennawnna hunah hian ERO, AERO, District chhung VCP leh Political party aiawhte leh tlawmngai pawl te an tel a, Electoral Draft ennawn hun laia A/c 5 a hmalaknate thlirletnaah hian thawktute bakah Political party aiawhte hmalakna hrang hrang ten ngaihdan tarlangin, tuntuma Draft Roll hnathawh chu tha thawkhat hle a an ngaih thu an sawi.