Vawiin chawhma dar 10:00 khan Govt. Champhai College Seminar hall ah PMEGP hnuai a Loan la tute tan training neih a ni.

He Training hi Pu C. Vanlalruata District Village Industries Officer (DVIO) chuan kaihhruaiin Pu Tinkhandala Chief Executive Officer Mizoram KVI ni bawk chuan a hawng a ni. Pu Tinkhandala Chief Executive Officer Mizoram KVI chuan hawnna thusawiin "Training a kalte chu Training chhungin thahnemngaitak a training tur a chah in Champhai District hi mi taima leh mi huaisen awmkhawmna a ni a, mi hlawhtling ni tur chuan taihmakna leh huaisenna a pawimawh tih sawiin thil ti mai mai tan thiltih a harsa a, Industry beitu tan rilru nghet tak put leh tih tak tak a hnathawh a ngai a ni" a ti. Prime Minister Prog. hi a hmasa ber a ngaihpawimawh a tul thu leh Sorkar pawh in a ngaihpawimawh thu sawiin Khuallian chuan PMEGP kalphung leh a thiltum te sawiin hnthawh tur neilo te'n hna an thawh theihna leh eizawnna nghet an lo neih theih na atan a tih anih thu a sawi. Govt. Champhai College Principal Pu Lalnunmawia pawh in thu sawiin tih tak tak na nen a hnathawh chuan hlawhtlinna a awm thin a, khawtlang in kan chhawr a, ram pawh in a chhawr ani a ti a, kalkhawmte chu kut tling lova sum lakluh it velo turin a chah a ni. Training a kal te chu a tawp thleng a training turin a chah nghal a ni.

Vawiin a Training ah hian mi 58 an kal a, he Training hian tun thla April 20 thleng a awh dawn a ni.