3639/2023-2024

Vawiin khan Champhai District Road Safety Committee te chu Chairman Pu M. Misael , Additional DC hovin DC Conference Hall Keifangtlangah Road Safety Month 2024 February thla chhung awh tur hman dan tur an rel.

Pu M. Misael chuan lirthei khalhtu leh ke a kalte himna theih nan Road Safety Month 2024 thupui atan “I him theih nan Traffic Rules te zawm thin ang che” tih 'chu thlan a nih thu sawiin Road Safety Month hlawhtling tak Champhai District a hman a nih theih nana ruahmanna felfai tak siam a tul thu leh lirthei khalhtu ten Dan hrang hrang kan neih te kan ngaih pawimawh a kan zawm that a tul thu a sawi bawk ani.

Member Secretary Dr. Manesia Khameichho, DTO Champhai District chuan Mizoram Road Safety Council rorel te leh kum hmasa lama Week lo hman tawh dan te sawifiahna a nei a ni.

Road Safety Month, 2024 hawnna inkhawm hi 05/02/2024 dar 2:00 pm ah District Education Conference Hall ah neih an rel a. Hawnna inkhawm hi urhsun taka hman tum niin Sawrkar official-te bakah Govt GM Higher Secondary School zirlaite sawm tel nise tiin a rel bawk.

Road Safety Month chhung hian lirthei khalhtuten dan an zawm tha em tih uluk taka endik ni se, document fel lo leh kum tling lova lirthei khalh te pawh uluk leh zuala endik ni se an ti. Road Safety Month, 2024 pual hian  Road Safety thutiam (Pledge) chu Dt  7.02.2024 hian sawrkar pisa tinah leh zirna inah te sawiho ni se tih Committee chuan a rel a. Institutions hrang hrangah  road Safety  awareness neih a ni bawk ang.