2630/2026-2027

Dated Champhai, the 12th October, 2026 : Vawiin khan Champhai Deputy Commissioner Office leh District Information & Public Relations Office te huaihawtin Right to Information Week, 2026 pualin DC Conference Hall-ah hun hman a ni a. Champhai Deputy Commissioner Pu Mohammad Aaquib-a chuan khuallian niin a hmanpui.

Khuallian Pu Mohammad Aaquib chuan he hunah hian thu sawiin, sawrkar langtlang leh mawhphurngam siam a pawimawh thu a sawi a. Mipuite leh khawtlang hruaituten RTI Act hman tangkai nachang an hria chu lawmawm a tih thu sawiin, a hman dan tur dik taka hmang chhunzawm zel turin leh information tangkai lo dil nan emaw mimal inbeih nan erawh hmang lo turin a chah a. Sawrkar hotu kalkhawmte chu dik tak leh langtlang taka hna thawk zel turin a sawm. 

Vawiin inkhawm hi Champhai District Information & Public Relations Officer (DIPRO) Pi Lalchungnungi Lakher chuan a kaihruai a. Sub-Divisional Officer (Sadar) Dr. Peter Malsawmtluanga chuan Right to Information Act chungchang power-point presentation hmangin a sawifiah a. Office hrang hrang hotute, Sub-Htqrs YMA, MUP, MHIP leh MJA hotute thahnem tak an tel a ni