2631/2026-2027

Lawngtlai, 12th October 2026 : Vawiin khan 'Lawngtlai District Level Commitee on Mizoram Green Schools League 2026' chuan Pi  TT Beikhazi, Addl. DC kaihhruaiin DC Conference Hall-ah thutkhawm an nei.

Pi  TT Beikhazi, chuan Member-kalkhawmte chibai bukna a nei hmasa a.Mizoram Green Schools League (MGSL) chu Swachh Bharat Mission (Urban) 2.0 hnuaia Urban Development & Poverty Alleviation (UD&PA) leh School Education Department te tangkawp buatsaih a nih thu sawiin, Mizoram pum huap zirlaiten faina leh hriselna hlu hriat thar leh vawn nun an nih theih nana inelna an nei ang a ti. Sawrkarim ruahmanna a siamte tha taka hlen chhuah a pawimawh tak zet tiin,   mahni zawn theuh ah theih tawp chhuah theuh turin kalkhawmte a chah a ni.

Pu H. Sangthanga, District Education Officer, chuan Mizoram Green Schools League 2026 chu September 1, 2026 khan UD&PA Department leh School Education Department tangkawpin  Swachh Bharat Mission 2.0 hnuaia Mizoram  pum huapa kalpui tura a  tlangzarh thu a sawi a. He inelna hi Block level, District level, leh State level thlengin kalpui a nih tur thu sawiin District tina Sorkar School, Samagra hnuaia school leh ADC hnuaia School - ah kalpui a ni ang a ti. District Level - a School titha berte chu State Level- ah an inel leh dawn a, chawimawina pawh Republic Day (January 26, 2027) hmannaah hlan an ni dawn a ni, a ti. MGSL kalphung leh In elna tehfung hrang hrangte sawifiahna a nei bawk.

Thutkhawm chuan 12th -23rd October, 2026 chhungin School - tinah 'Sensitization Programme' hman nise, ni 23 October 2026 aia tlai lo ah School ten an hmalakna Thlalak (Geotech) CRCC - te hnenah thehluh ni se, CRCC - ten an endik hnuin ni 29 October, 2026 aia tlai loah Block Level ah report pek nise tih a ni. Block tin atang School - 5 theuh thlanchhuah an ni ang a, District Level ah thehluh niin, inelna an nei leh dawn a ni. District Level - a endiktu tur ( Judge) ruat chu DEO kutah dah a ni.

Thutkhawmah hian 'Lawngtlai District Level Commitee on Mizoram Green Schools League 2026' Member-te an tel kim thei a, Pi  TT Beikhazi, Addl. DC chuan lawmthu sawiin hun a khar.