2632/2026-2027

Lawngtlai, 12th October 2026 : Election Commission of India (ECI) chuan State tin Chief Electoral Officer (CEO), District Election Officer (DEO) leh Electoral Registration Officer (ERO) te chu October thla chhunga Special Drive nei tura a hriattir angin Lawngtlai District- ah pawh ngawrh taka kalpui mek a ni.

SIR Special Drive - hi Booth Level Officer (BLO) - ten Lawngtlai District- a Assembly Constituency pathum - 36 Tuichawng (ST); 37 - Lawngtlai West (ST) leh 38- Lawngtlai East (ST) a Polling Station - ah te an kalpui  a.  BLO-te hian SIR neih hmaa electoral roll-a awm si, SIR Final E/roll-a awm ta lote chu a list siamin, chung mite chu BLO ten an inah an tlawh  a ni.

India khua leh tui dik tak te chu Form-6 hmanga electoral roll-a luh dil turin an hrilh hriaa ,  Anni bakah hian, vote nei thar tur, kum 18 tling tharte pawh an vai  a ni. BLO list siam hi Booth Level Agent-te pawh an pe vek anga,  BLO te’n field verification an tih zawhah hming list hi ERO/AERO hnenah submit leh dawn a ni.  Form 6 fill-up ho hi ERO/AERO hmaah hearing neih tur niin, a tul dan leh remchan dan a zirin Booth Level Camp buatsaih a ni bawk ang.

SIR Special Drive - hi October ni 8, 2026 khan tan niin October thla chhung kalpui tura ruahmanna siam a ni.