2629/2026-2027

Champhai dated the 12th October, 2026: Vawiin khan District Bawrhsap Pu Mohammad Aaquib hovin Ministry of Development of North Eastern Region Secretary Pu Srinivas R. Katikithala-in  Champhai District a tlawh tur chungchangah inbuatsaihna leh ruahmanna hrang hrang sawihoin DC Conference Hall Keifangtlangah meeting neih a ni.

DoNER Secretary hian October ni 13 leh 14 chhungin Champhai District-a hmasawnna hnathawh hrang hrang, kuthnathawkte dinhmun leh border area-a hmasawnna hna thawh mekte a hmunah kalin a enfiah dawn a ni.

Ruahman dan chuan October ni 13 hian Aizawl aṭangin Champhai a pan ang a, Zotlang Hall-ah sawthing chingtute kawmna a nei ang a, Hnahsin Kut hmanpuiin Mualnuam leh Saii mual te a tlawh ang. Chu mi hnuah sapthei sawngbawlna sak mek tlawhin sapthei chingtute kawmna a nei bawk ang. Zan lamah Circuit House-ah Cultural Evening hmanpuiin department hrang hrang hotute leh tlawmngai pawl hruaitute a kawm dawn a ni.

October 14-ah Keilungliah tuikhuaha tourism hmun tura ruahman mek te, Zokhawthara 14 Assam Rifles COB hmun hma leh Zokhawthar Border Area te tlawhin khawtlang hruaitute kawmna a nei ang. Hemi hnu hian Champhai Winery leh Tlangsama Oak Tsar Silk Farm te a tlawh chhunzawm bawk ang.