2628/2026-2027

Dated Khawzawl, the 12th October, 2026 : Vawiin khan Khawzawl Bawrhsap Pu K. Vanlalthiana chuan a pisa-ah Khawzawl District chhunga Jeevan Raksha Padak award dawngtu Kawlkulh khua Nula C. Laldinkimi leh a chhungte chu lawmpuina hun a hmanpui. 

He lawmpuina hunah hian Bawrhsap chuan India ram puma award dawng thei mi 30 vel chauh zingah Khawzawl District atanga chawimawi tur thlanchhuah an awm thei chu lawmawm a tih thu leh, he award a dawn theih nana tha leh zung leh ngaihtuahna sengtu YMA hruaitute hnenah lawmthu a sawi bawk a ni. 

C. Laldinkimi te hi kum 2025 kum tir lam khan an thianhoin luiah an kal a, hemi tum hian an thianpa chu tuiah a tla a. Dini hian a theih ang angin mau te, hmawlh te hmangin kaih chhuah a tum a, mahse a chhanchhuah theih mai loh avangin amah ngei chu tuiah a zuang thla a. Chiai leh mangang buai lovin a thianpa chu vaukamah a hnuk chhuak ta a, a thiam ang angin CPR te a han ti a. A thianpa tuia tla chu a hnuah Saitual Hospital-ah hruai niin oxygen te pek a ni a, a tuk zingah chuan dam tha takin ngai a awh chhunzawm chho leh ta a ni.

He hunah hian Kawlkulh Group YMA hruaitute bakah Sub Headquarters YMA hruaitute leh DC Office-a officer-te an tel a ni. C. Laldinkimi hian September ni 25 khan Home Minister Pu K. Sapdanga hnen atangin award hi a dawng a ni