Vawiin khan Disaster Management & Rehabilitation Department buatsaihin Champhai GM Higher Secondary School-ah lirnghing magnitude 6.4 vel lo thlen thula school naupangte leh zirtirtuten a him leh fel thei ang bera an insawngbawl a, an hmachhawn theih dan tur zir in mock drill an nei. He hun hi Champhai DC charge la mek Pu Zoengsanga chuan hmanpui.

DC Pu Zoengsanga chuan Champhaiah School Safety Programme hi buatsaih a la nih ngai loh thu sawiin, he programme buatsaih tura Aizawl atanga lo kal DM&R thawktute chungah leh a kaihhnawih office leh mimalte chungah lawmthu a sawi a. Zirlaiten vawiina an thil zir te chu rilrua an vawn reng a duhsak thu a sawi a ni.

Vawiin hian Mock drill endiktu (observer) official-te leh khawtlang hruaitute an tel a. Mock Drill-ah hian zirlaite lirnghing lo thleng huna chiai lova mumal taka an awm dan tur zirtir niin, hliam tuar sawngbawl dan tur te an zir a ni.