Election Commission of India in ram chhung inthlanna a Democracy dik tak kalpui anih theih nan leh mipui aiawh ram hruaitu thlanna a mi tam zawk an inhnamhnawih theihna tura duan - Systematic Voters Education and Electoral Participation Programme (SVEEP) chungchang zirtirna chu kuminah pawh kalpui chhunzawm a ni a. Vawiin khan Champhaiah chuan Government Champhai College Examination Hall-ah Campaign hi neih a ni.

SVEEP chungchang zirtirna hun hi Champhai SDC leh Election Officer ni bawk Pu Pachhunga'n kaihruaiin, Champhai Addl. DC leh ERO Pu C. LalzarIiana, SDC leh SVEEP Nodal Officer ni bawk Pi Lalhruaitluangi leh Government Champhai College Principal Pu Lalnunmawia ten SVEEP chungchang zirtirna hi an nei a ni.

College zirlaite hnena SVEEP chungchang zirtirna pekah hian India khua leh tui dik tak, kumtling chinten Vote an neih ngeina tur leh vote an thlak ngeina tura hmalakna peng pakhat he Systematic Voters' Education and Electoral Participation chungchang hi chiang taka hrilhfiah niin, India ram chu khawvel a Democracy ram lian leh ropui ber anih anga a khua leh tui kum 18 tling chinte chuan ram roreltu thlang thei turin Vote neih ngei atul thu leh khua leh tui dik tak chu Electoral Roll-ah a chuangin, Inthlanpuiah vote a thlak ngei atul thu uar taka zirtirna pek a ni a.

Vawiin campaign-ah hian vote pakhat ringawt pawh a hlut zia leh awmzia a neih thui zia tarlangin, kan duh ang tak ram hruaitu kan neih theih nan kan hmanrua - vote thlak chu hman tangkaina chang hre turin zirlaite chu hriattir an ni a. Electoral Roll a khung theih chin bithliah na hrang hrang leh Electoral Roll a inkhunglut tura tih tur tul leh pawimawh hrang hrangte pawh chipchiar leh kimchang taka tarlan tel a ni.

October ni 15, 2015 atang hian Champhai District pumah Election Hearing neih tan a ni dawn a. AERO tur te chu:- Champhai North A/C-ah Pu Zoremthara Ralte, Champhai BDO; Champhai South A/C--ah Pi Lalhruaitluangi, SDC; Lengteng A/C-ah Pu Malsawmzuala, Ngopa BDO; Tuichang A/C-ah Pu Lalrinzuala, Khawzawl BDO leh East Tuipui A/C-ah Pu James Lalnithanga, Khawbung BDO-te an ni.

Tun dinhmun ah hian Draft Roll-ah a lan dan in Champhai District-ah hian Voters 80,599 awmin, mipa 39,606 leh hmeichhia 39,910 bakah service voters 1,083 an awm a. General Electors zingah mipa aiin hmeichhe voters 304 in a tam zawkin, Service Electors ah erawh mipa 902 anih laiin hmeichhe voters 181 a ni thung.