Vawiin hian Lawngtlai khaw chhunga Village Council engemawzat leh Lawngtlai Bullet Club te nena tang kawpin Lawngtlai District Swachh Bharat Mission (Rural) chuan Faina inzirtirna Rally a buatsaih a, khawchhung thenfai hnatlang neih nghal a ni.

He Rally hi Swachh Bharat Mission (Gramin) District Committee Member Secretary Pu Ngentluanga, Senior Executive Engineer, PHE leh Member pahnih Pu K. Saitluanga, IPRO Lawngtlai leh Pu Laltanpuia Hnialum, DEO Office ten an hova, Lawngtlai Bullet Club Member ten tawiawm bawkin faina hlut zia inzirtirna hun atan an hmang a, Veng hrang hrang VC te chuan hemi denchhen hian veng chhung tihfai hnatlang nei nghal in, hnatlang a chhuak hote hmaah fai inzirtirna lemchan tawi (Nukad Nataks/Street Show) te entir nghal a ni bawk.

He Rally hi Chawnhu atanga tanin Lawngtlai kawngpui dung zawh chhuakin Thingkah thleng neih a ni.

Swachh Bharat Missions (Gramin/Rural) Lawngtlai District hian Rally bakah hian Live telecast Debate, Higher Secondary School naupangte tana buatsaih te leh Thingtlang khaw thlan bikahte Faina Rally la nei turin ruahmanna te pawh a la siam a ni.