Vawiin khan I&PR Conference Hall, Bazar Veng-ah Lunglei Horticulture Division chuan Purunsen chindan zirtirna training an buatsaih a. Lunglei District chhungah purunsen ching tura inziak lutte chu an zavaiin mi 188 an ni a, vawiin training-ah hian mi 100 chuang an tel.

Onion Cultivation Training kaihruaitu Lunglei DHO Pu Vanlalnuntluanga Renthlei chuan tunlai purunsen to zia leh harsatna hrang hrangte sawiin Horticulture Minister Pu PC Lalthanliana hmalaknain Mizoramah a tam thei ang ber ching tura hma lak mek a ni, a ti a. Tunah hian Maudarh leh Ramthar-ah Department-in ‘Horticulture Centre’ an neihah purunsen chi kui tiah mek anih thu sawiin DHO chuan purunsen chingtuten a tiak an mamawh zat chu nuai 14 a nih laiin nursery-ah nuai 4 vel bak an neih theih a rin loh thu a tarlang bawk a. Purunsen leh thlai dang hrim hrim pawh a tir atanga enkawl uluk tur leh damdawi pek hi thlai hri tihdamna ni lovin a venna tur zawk a ni tih thu te a sawi.

Vawiin training-ah hian ADHO Pu C.Lalremsiama chuan a lem nen purunsen chin dan chungchang a zirtir a, a chingtute zawhna hrang hrangte a hrilhfiah nghal a ni.