UD&PA Department chuan Champhai khawchhunga Swachh Bharat Mission (Urban Area) hmalakna a kalpui zelah vawiin atang khan Inter-High School level Quiz Competition chu Champhai I&PR Auditorium-ah a buatsih a, he intihsiakna hi ni li chhung awh tu a duan niin, Champhai khawpui chhunga High School 16 zingah H/S 9 atangin Team 13 an tel a ni.

Champhai DUDO Pi V. Lalmuanpuii chuan Faina kawnga hmalakna (Awareness Campaign) chi khat, Swachh Bharat Mission Urban Area High School Quiz Competition intihsiakna buatsaih anih chhan hi mipui nawlpuiin Faina leh thianghlimna kawnga harhtharna an chan theihna tura huam zau zawk a hmalakna anih thu leh, zirlai naupangte chu Faina kawng kawhhmuhtu leh hmahruaitu an nih beiseina vanga khawpui chhunga High School naupangte tan he intihsiakna hi neih a ni tih a sawi.

He Quiz Competition-ah hian team 13-te chu ni thum chhung Preliminary Round neih anih hnuah a titha zual team pathum ten Zirtawp hian Final intihsiakna an nei dawn a. Lawmman hi Champhai UD & P,A in a tumsak ang. Swachh Bharat Mission Quiz Competition-ah hian Swachh Bharat Mission kaihhnawih zawhna bakah General Knowledge, Visual Round, Mathematics leh Mizo Subject-ah te zawhna hi buatsaih a ni.