Vawin khan DRDA Conference Hall, Lunglei-ah ‘Workshop/Training on SAGY for MLAs under Lunglei & Lawngtlai’ neih a ni a. Lunglei DC Pu Ashish Madhaorao More-in Workshop chu hawngin Aizawl atanga lo kal Under Secretary, Rural Development Department Pu Paul L.Khuma chuan SAGY chungchang-ah power presentation a nei.

Saansad Adarsh Gram Yojana(SAGY) Workshop hi Project Director, DRDA, Lunglei Pu Joseph H.Lalramsanga in a kaihhruai a. Workshop hawngtu Lunglei DC Pu Ashish More chuan sorkar laipuiin SAGY kaltlangin MP zawng zawngte an mahni bial chhungah khaw pakhat theuh ‘model village’ tur atana an thlan a, chung khua thlanchhuahahte chuan sorkar hmalakna hrang hrang chak zawka kalpui tura an bawhzui bakah khuaa cheng mipuite chu zirna, faina, hriselna leh eizawnna kawnga hma an sawn nan MP ten hmalak tura tih an ni, a ti a. MP-te tana SAGY duan a nih ang zulzuiin Mizoramah pawh MLA tin ten an bialchhungah khaw pakhat theuh ‘model village’ atana thlan a, Department hrang hrang kaltlanga heng khuaah chak zawka hmasawnna thlen theih nan bawhzui tura tih a ni a. SAGY atan hian a hranin sorkarin sum a dah chuang lova, a tum ber zawk chu Department kaltlanga scheme leh programme hrang hrang kalpui mekte chu heng ‘model village’ ah te hian chak zawk leh dik taka hlen a nih theih nana tih a ni, a ti bawk. SAGY hnuaia ‘model village’ te vil tur bik Charge Officer ruat vek an ni a, bialtu MLA leh khawchhunga khawtlang hruaitute nen hmalak dan tur ‘development plan’ an siam ang a, thla tin an hmalakna leh hlawhtlinnate thlirho a ni bawk ang, a ti. SAGY for MLA hnuaiah hian developmental schemes bakah khawtlang faina leh hriselna, zirna leh environment te ngaih pawimawh a ni dawn tiin DC chuan vawiin workshop-a tel department officers te leh Charge Officers te chu duhsakna a hlan a; District hotupa ber a nih angin puih leh finchhuah an ngaihna apianga theihtawp a chhuahpui tur thu a sawi bawk.

Rampumah SAGY for MPs hi October ni 11, 2014 atanga hman tan a nih laiin Mizoram-ah SAGY for MLAs hi kumin February ni 2, 2015 atang khan hman tan a ni thung. Lunglei District huamchhunga Bialtu MLA 7 te an bial chhunga ‘model village’ atana an thlan leh Charge Officer te chu a hnuaia mi ang hi a ni :

1. Pu Zodintluanga (AC/34-Thorang) :

Model Village - Marpara South

Charge Officer - Pu H.Lalrinpuia, BDO, Bunghmun

2. Pu PC Lalthanliana (AC/30-Lunglei North) :

Model Village - Thiltlang

Charge Officer - Pu Kannan Gopinathan, SDO(C), Hnahthial

3. Pu S.Laldingliana (AC/33-Lunglei South) :

Model Village - Mualcheng South

Charge Officer - Dr.Malsawmtluanga Fanchun, BDO, Lunglei

4. Pu Joseph Lalhimpuia (AC/31-Lunglei East) :

Model Village - Rotlang East

Charge Officer - Pu Lalzuiliana, SDC, Lunglei

5. Pu John Siamkunga (AC/29-South Tuipui) :

Model Village - South Vanlaiphai

Charge Officer - Pu V.Laldinsanga, BDO, Hnahthial

6. Pu Nihar Kanti Chakma (AC/35-West Tuipui) :

Model Village - Kalapani

Charge Officer - Pu Lalchhanhima, BDO, Lungsen

7. Pu Chalrosanga Ralte (AC/32-Lunglei West) :

Model Village - Buarpui

Charge Officer - Pu Lalzamliana, AE, DRDA, Lunglei