Vawiin chawhma dar 10:00 atang khan I&PR Auditorium, Chanem Building-ah Taxation Department buatsaihin VAT Awareness Campaign neih a ni.

Chawhma lam hi Sumdawngte tana tih niin hetah hian Pu K.Sanglawma, Jt.Commissioner of Taxes-in VAT leh PAN Card chungchangah te sumdawngte tana hriattur pawimawh tak tak te a sawi a. E-Services hman tangkai dan Pu Lalhruaitluanga, Inspector-in sawiin Treasury kal kher ngai lova chhiah pek dan, Taxation Office kal kher ngai lova E-Registration kaltlanga in register dan te, Way Bill leh C-Form lak dan tur te leh Return Form fill up leh file dan te zirtirna a pe bawk a. Sumdawng kalkhawmte hian zawhna an neih te chhanna hun hman a ni.

Chawhnu lamah Champhai District-a Sawrkar Department hrang hranga DDO, DA, ADA leh Cashier te tan Tax Deduction at Source chungchang inhrilhhriatna neih a ni a, hetah hian Pu K.Sanglawma, Jt.Commissioner of Taxes chuan zirtirna hun a hmang a ni.