Inter-Media Publicity Co-ordination Committee (IMPCC) chu AIR Conference Hall-ah vawiin khan an thukhawm a. September thla chhunga ‘Social Justice’ tih thupui hmanga beihpui thlakna behchhana mipuite chanvo humhalh kawnga hmalakna kawng hrang hrangte thlirho a ni.

IMPCC hi State tina Central leh State Media aiawhte intelkhawmna a ni a, Sorkar Laipuiin ram hmasawnna tur Programme a duante tihpuitlinna kawnga a tul anga mipuite hnena thu puangzartu a ni a. Vawiin meeting-ah hian PIB bultuma Bharat Nirman/Flagship Programmes Public Information Campaign (PIC), Kolasib District-a November 6-8, 2012 chhunga neih tur chungchang pawh sawiho a ni a.

He meeting ah hian Agriculture, AH&Vey, KVIB, Soil & Water Conservation, Field Publicity, AIR, DDK palaiten an department hmalakna te an sawi tel bawk a ni. He meeting-ah hian an hmalakna hrang hrangte sawiin IMPCC member te bakah Col. DS Phansalkar, Director, Army Recruiting Office; D.Birlanath, Dy. Director (Engg), DDK, Aizawl; Rajesh A. Beldar, Dy. Director (Engg), AIR, Aizawl; Vinay Raj Tewari, Asstt. Director (News), RNU, DDK, Aizawl, N. Nando Singh IIS, News Editor, AIR, Aizawl te an tel a ni.

Vawiin thutkhawmna hi IMPCC chairman, Pu Mangjangam Touthang, DD News leh PIB hotu chuan kaihruaiin October thla IMPCC thupui atan ‘Cleanliness for All’ (Mitin tan faina) tih thlan a ni a. October 30, 2012 khian PIB Media Centre-ah IMPCC Meeting hi neih leh tur a ni.