Champhai Bawrhsap Pu Vanlalngaihsaka hovin vawiin khan nakuma KTP General Conference hmanna tur a pandal sak mek leh traffic fel zawk a kal dan tur te, World Bank road siam mek leh Kanan kawng te chu a hmunah enfiah a ni.

Bawrhsap hi Police Department PWD, PHED bakah Department dang atang hotute bakah KTP 2016 Gen. Conf. Organizing Committee leh Traffic Sub-Committee aiawhten an tawiawm a ni. Bawrhsap Pu Vanlalngaihsaka chuan Conference huna traffic inhnawhtawt vanga nunphung a buai lutuk loh nan leh mipui him zawk nan ruahmanna fel tak neih tul a tih thu a sawi a. Bawrhsap ho hian Pandal panna kawng te leh motor park na tur hmun remchang enthlak tawh te chu fangin, motor kawng siam that ngai zual te an enfiah a ni.