Champhai Bawrhsap Pu Vanlalngaihsaka chuan vawiin khan Pu C. Zoramchhana, Chhungte in Tui Pump Khawl controller a siamchhuah "D.K. Pump Controller" chu I&PR Auditorium-ah a tlangzarh.

Bawrhsap chuan mipui tana thil tha leh hman tangkai theih tur ngaihtuahchhuah theihna talent neih a, tihlawhtling ngei tura beidawng duh lova tumruhna chu faktlak a tih thu sawiin, vawiin water oump controller tlangzarh tak chu Zopa thluak ngei atanga lo chhuak a ni chu lawmawm leh entawntlak a a tih thu a sawi a ni.

Hun kaihruaitu Pu Lalrammawia, SE, PHED chuan ama ho a DK Pump Controller hi ni 180 chhung enchhin a nih thu a sawi a. DK Pump Controller siamchhuaktu Pu C. Zoramchhana hian Electric tui pump khawl chi hrangah enchhin anih chinah khawl mil loh a neih loh thu report in, controller hi tuizem len dan azirin chi hrang panga siam a nih thu a sawi a. Kumin January ni 11 atang khan hralh chhuah tur siam tam in, unit 150 siam zawh tawh a ni.

Attachment

  • Loading attachment...