Pu Lal Thanzara, I & PR Minister hovin vawiin khan Aizawl Press Club-ah National Public Relations Day hman a ni. Inkhawm hi Pu Lalnghinglova Hmar, Chairman, Public Relations Society of India (PRSI) Mizoram Chapter in a kaihruai a. Prof. KV Nangaraj, Mass Communication, MZU leh Pu L.R. Sailo, Nodal Office IIMC te pawhin thusawina hun an hmang bawk.

Minister chuan Mizoramah Public Relations Society of India Mizoram Chapter din a lo ni ve ta hi hmasawnna pakhat, pawimawh tak a ni tiin mizote zingah a tam zawk hian enge 'Public Relations' hi anih chiah kan hrechiang tawk lova a hriat thu a sawi a. Public Relations han tih hian a tak taka thil tih hi a kawk ber a, sorkar emaw, mimal emaw leh mipuite inkara inlaichinna/inkungkaihna lam siam ni bawk mahse, a taka thil tih a awm tur a ni tih kan hriat hi a tha a a hriat thuMinister chuan sawiin, Public Relations in a tum pawimawh tak chu midangte nena in pawh tawnna, inhraitthiamtawnna te siam a ni a, Sorkar leh pawl reng rengte pawhin policy a siam hian public relations hi a hlamchhiah tur a nilo a, chuvangin public relations huam chhungah hian hnathawk a ruaitu public relations te, thil leitu public relations te, vantlang public relations te leh a dang tam tak a huam a ni a ti.

Pu Lal Thanzara chuan tunlai khawvel thang chak takah hian khawvelin a thlen chin hi Mizote hian umphak ve zel kan tum a ngai a. Social Media chaktak mai te hi kan zavaia hamthat tlanna tura kan hman thiam a tul tak zet a ni. Hmansual pawi theihzia hretu vek kan ni a, chuvangin, tangkai taka hmanthiam hi kan zir a pawimawh hle a ni tiin hetiang lama hma kan sawn theihna tur atan zirna tha India ramah pawh an chhuan hle te zinga mi IIMC leh MZU Mass Communication Degree Course alo awm ta te hi, kan thangthar ten hmang tangkai thei se tha a tih thu a sawi bawk.

PRSI hi 1958 khan din niin India ram state hrang hrangah inzarpharhin Chapter hrang hrangte hi Zone a intelkhawm leh an ni. Mizoramah pawh 16th March, 2016 khan Chapter hi din a lo ni a. National President Dr. Ajit Pathak lokalin a hawnna hun a rawn hmang a. Kum 1986 atang khan kumtin April 21 hi National Public Relations Day a tan hman thin a ni a. Kumin PR Day thupui thlan chu ‘One Nation - One Voice Building bridges through Public Relations’ (Inlaichinna tha zawk hmanga inpumkhatna) a ni.