4521/2024-2025

Champhai, 4th March 2025: Vawiin chawhma dar 11:00 khan DC Conference Hall, Keifangtlangah Champhai Bawrhsap thar Pu Mohammed Aaquib a hovin Champhai District chhunga sawrkar pisa hotute an ṭhukhawm.

He hunah hian Bawrhsap Pu Mohammed Aaquib chuan kalkhawmte lawmna thu sawiin, Champhai District-in hma a lo sawn zel theih nan sawrkar department hrang hrang te inkarah thawhhona leh inpumkhatna ṭha a awm a ngai, a ti a. Champhai-a hna an thawh chhungin, danglamna awmze nei thlen tum ṭheuh turin kalkhawmte chu a chah bawk a ni.

Ṭhutkhawm a rel angin, kar thar lo awm tur (March ni 10, 2025) aṭang khian Champhai District-a sawrkar pisa hrang hrang ten a tahtawlin an hmalakna te, an hnathawh tlangpui te leh hmasawnna hna an thawh mek chanchin te sawifiahna hun Bawrhsap pisaah an nei ṭhin dawn a ni.

He hunah hian Pu Shivendu Bhushan, SP; Pu K. Zorammuana Addl DC te bakah Champhai District chhunga sawrkar pisa hotute an tel.