3813/2022-2023

Champhai, the 11th March, 2023: Tukin khan Champhai khawpui chhunga chawhmeh bazarna hmunpui ber, Champhai Bazarpui, Rahsi Veng, Vengthlanga sa leh thlai thar zuarte bukna leh tehna hrang hrang hmante endik a ni.

Tukin endikna kaltlang hian dan bawhchhiatna hmuh a ni lova, Legal Metrology Dan hnuaia hrem ngai an awm lo a; bukna siamrem leh siamthat ngai awmte erawh chu siam that thuai a nih theih nan Legal Metrology Office-ah an buknate kalpui tura tih an ni thung a ni. Bukna leh tehnate endik hna hi Champhai khawpui leh a chhehvelahte kalpui zel tur a nih thu Pu V.Lalfakzuala, Asst.Controller of Legal Metrology, Champhai chuan a sawi a ni.

Champhai Bazarpuia bukna leh tehna hrang hrangte endikna hunah hian Legal Metrology Department Champhai atangin Pu V.Lalfakzuala, Asst.Controller, Pu Felix Lalruatsanga, Inspector leh Pu Vanlalruata, Manual Assistant-te bakah Pu Vanlalpara, District Marketing Officer (DMO), Commerce & Industries Department, Champhai leh a thawhpuite an tel a ni. 

Attachment

  • Loading attachment...