Tunhnaia ruahsur vangin Aizawl panna Champhai dai,  Chhungte khawbul (km 7.5) kawngpui chu nimin khan hnawhpin niin, a thenfai hna ngawrh takin thawh nghal a ni. Champhai SDO (Sadar) Pu Benjamin Lalzama chuan ruah hi a sur chhun zawm zel anih chuan lirthei tan khaihlakna thleng leh thei anih thu leh lirthei vak vel te fimkhur turin lirthei enkawltute leh khualzinte fimkhur turin a chah.

Champhai dai kawng hi Sabereka khuangkaih in a hnawh pin vangin lirthei engemawzat a tang khang a,  nimin zing khan Champhai 74 RCC in khawl hmanga a thenfai hnuin nizan thimhlim a ruah bawhawk sur vangin he leitawlh hian kawngpui hi a hnawhping leh a,  ritphur lirthei pakhat chu leitawlhna hmunah hian a tang a. Lirthei thahnem tak a dan vang leh chhiatna nasa zawk a thlen theih vangin nizan zanlai khan thenfai hnatlang thawh a ni.

Nizan khan Champhai 74 RCC leipaihna khawl leh mimal leipaihna khawl hmangin lirthei hi hnuh chhuah a ni a,  leitlawhin kawngpui a hnawh leivung pawh nizan zanlai pelh khan thenfai zui nghal a ni a. Nizan leitawlh thenfai hnatlangah hian Pu Benjamin Lalzama tawiawmin Champhai Addl. SP Pu VL. Lura Hrahsel,  74 RCC hotute,  Sub-Hqrs. YMA Champhai hruaitute leh khawtlang hruaitute an kal a ni.