Vawiin hian Chawnhu a KVK Office Complex ah Krishi Vigyan Kendra (KVK) Lawngtlai buatsaih in Loneitute Mela leh Mithiamte kawmna hun neih a ni.

Mela hawnna inkhawmah khuallian, Pu H. Joela, District Agriculture Officer chuan,kanpi leh pute loneihna hmanruate kha tunlaia loneitute tan chhawm reng tlak a nih tawh loh avangin chakna tipungtu hmanruate hmang turakanintuaihriam a tul hle a ni. Tlangramah chuan a ram zau ang hu in thar tam a har bika, chuvang chuan tam zawkakanthar theih nan thlaite chu bi mumal leh tlar fel thlapa thlakin a hlawk zawk a ni. a ti a. Thlai enkawlna damdawite chu a nihna tur ang taka hman a nih loh chuan thlai tichhe tu anih theih avangin mithiam rawn fo a tul a ni, a ti bawk. Khuallian hian loneitu thlan chhuah mi 30 te hnenah thlai tuipekna (Sprayer) a sem nghal a ni.

District AH & Vety Officer Dr. Lalnunhlima Ralte pawhin thu sawiin Mampui ramah ranchaw hmun buatsaih mek a ni a, chutah chuan Bawng in tur leh mamawh dangte dah a ni dawn a, Bawng vulha hma la tak tak duh tan engkim a thlawnin sawrkar chuan a pe dawn a ni, amaherawh chu thawk peihlo tanpuina ringawt beisei tan ngaihven chi a ni lovang a ti.

A hawnna inkhawm kaihruaitu Dr. Michelle C. Lallawmkimi pawhin thusawiin Chawnhu khua chu KVK in Model Village atana a thlan thu sawiin loneitute thiamna lama tanpui beihpui thlak a nih tur thu a sawi a, loneitu leh ran vulhtu tute chu KVK Mithiamte rawn thin turin a ngen a, loneitute tanpui tura kan inhawn zia hi Lawngtlai District mipuite hian min hriatsak se kan duh a ni, a ti.

Hemi hnu hian thlai thar leh loneihna hmanrua phochhuah te chu loneitute hi en pui an ni a, hmanraw chi hrang hrang hman dan te pawh inhrilh hriat nghal a ni bawk.

Chawhnu lamah KVK leh Agriculture (ATMA) lama mithiam thlanchhuahte chu Loneitu kalkhawmte nena inkawmna hun buatsaih leh a ni a, loneitute hian thlai chin dan leh enkawl dan an duh apiang an zawt in, hmalak dan turte an inkawhhmuh nghal a ni.

He hunah hian KVK Model village Chawnhu khua atangin loneitu thlan bik te an kalkhawm a ni.