Vawiin chawhma dar sawm khan Champhai DAO Pu RK Nithanga chuan Champhai District Agriculture Office tualah RKVY Scheme atangin Khawbung leh Tlangsam zau Custom Hiring Center(CHC) atan tractor leh rotavator pahnih lo neitu te hman theih turin a hlan. He hunah hian District Agriculture Office staff te leh Champhai DIPRO bakah Khawbung leh Tlangsam CHC hruaitute an tel a ni.

Tractor hlan rual hian mithiamten a enkawl dan chipchiar taka CHC hruaitute an hrilhfiah hnuah lei leh dan a taka zirtir an ni bawk.

Champhai District ah hian CHC 14 awm tur a ruahman niin- Phaizau (Champhai); Phaisen (Chawngtlai); Bulfekzawl; Tuithil, Tuiphal (Ngopa); Tuimuk (Khawzawl); Hmunte, Zawngtah, Tuipui (Biate); Tawitawzawl (Khawhai); Awnnu, Raifan (Chalrang); Saikhumphai (Vaphai); Tualcheng; Sesih (Champhai), Tlangsam leh Khawbung ah te din fel a ni tawh a, Teikhang CHC pawh tractor lo thlen hunah bultan nghal tur a ruahman a ni.