2147/2023-2024

Champhai the 4^th October, 2023 – Assembly Constituency pathum awmna Champhai District Final Electoral Roll 2023 chu Election Commission of India ruahmanna angin vawiin khan Champhai DC leh District Election Officer ni bawk Pu James Lalrinchhana chuan Champhai DC Conference Hall-ah a tlangzarh.

Vawiin Final Electoral Roll 2023 tlangzarhna programme-ah hian Champhai District election lam kaihhnawih sawrkar official te bakah Political Party hruaitute, MJA hruaitute leh tlawmngai pawl aiawhte an tel tha hle a ni.

Champhai DC &DEO Pu James Lalrinchhana chuan Champhai District Final Electoral Roll, 2023 a hun taka peih fel tura nasa taka thawk tu DC Election Branch, ERO, AERO, BLO te thahnemngaihna leh thawhrimna chu fakawm tiin an chungah lawmthu a sawi a. Inthlan hlawhtling tak nei thei turin Electoral Roll dik leh felfai kan neih hmasak phawt a tul takzet a ni tiin, Champhai District-ah electoral roll hearing uluk leh fimkhur taka neih anih thu a sawi a. Kan hma lawka lo awm tur Mizoram Assembly Election 2023 hlawhtling taka neih anih theihnan Vote nei zawng zawngte chu Democracy hlutna hre reng chungin an vote hlu tak thlak ngei turin a sawm a. Party aiawh, MJA leh tlawmngai pawl hruaitute chu anmahni zawn theuhah mipuite lo zirtir a, vote thlak ngei tura lo ti phur tu ni tura tan la turin a sawm a ni.

Champhai District Final Electoral Roll, 2023 hi Political prty hrang hrang aiawhte hnenah hlan nghal a ni.

Champhai District Final Electoral Roll, 2023 in a tarlan danin Champhai District ah Voter mi 57,180 an awm a, an zinga mi 27,880 te hi mipa niin, hmeichhe voter 29,300 an awm a ni.

Champhai District Final Electoral Roll sex ratio hi 1051 niin mipa 1000 zelah hmeichhia 1051 an awm a ni.

August ni 2, 2023 a tlangzarh Draft Electoral Roll ah khan voter 56,438 (mipa – 27,560 leh hmeichhia 28,878) an awm a. Final Electoral Roll ah hian voter 57,180 awmin voter 742 in a pung a ni.

Champhai District-ah Polling Station 84 a awm a ni.

23 Champhai North ah leh 24 Champhai South ah te mipa aiin hmeichhe voter an tam zawk a ni.

Voter Tamna ber Polling Station – 24 Champhai South hnuaia 24/12 Champhai Vengthar niin Voter 1346 an awm a ni.

Voter Tlemna Ber Polling Station chu 23 Champhai North hnuaia 23/21 Keifangtlang niin Voter 78 an awm a ni.

Champhai District Final Electoral Roll, 2023 kum bithliah a Voter awm dan chu hetiang hi a ni: