2146/2023-2024

Dated Saitual the 4th October, 2023: Vawiin khan Saitual ah 2nd Special Summary Revision , 2023 neih zawh tak hmanga Electoral Roll thar ber, Final Electoral Roll 2023 buatsaih chu Saitual DC Conference Hall-ah District Election Officer Dr Lalngura Tlau chuan a tlangzarh.

District Election Officer Dr Lalngura Tlau chuan Electoral Roll tlangzarhna hun hriatpui tura kalkhawmte lawmna thu sawiin, Final electoral roll publish a nih theih nan a hma la tu zawng zawng te hnehah lawmthu a sawi a. A bik takin Election Staff leh BLO, party leh NGO te thawhrimna chu fak phu a ni, a ti.

District Election Officer chuan BLO te chu Election ah an innghahchhan pawimawh tak a ni a ti a, kawng engkim a sulsu tu leh hma la tu te anni a, an thawhrimna avanga electoral roll pawh felfai taka tlangzarh thei annih thu a sawi a. Political party leh khawtlang hruaituten Electoral Roll buatsaih kawnga Election Official-te an tawiawm thin avangin Saitual chu District naupang te, MLA election vawikhat hmachhawn na tur nimahse, tha takin election in buatsaih na hna a kal theih phah a ni, a ti.

He hunah hian Pi Laldinfeli, Election Officer chuan Electoral Roll tlangzarh tak dinhmun tlangpui a tarlang a. A hun taka Electoral Roll thar ber peihfel a nih theihna tura Election Office Staff leh ERO, AERO, BLO zawng zawngte thahnemngaihna chu fakawm a tih thu sawiin, anmahni tawiawma lo pui thintu NGO, khawtlang hruaitu leh Political party aiawhte chungah lawmthu a sawi bawk. Election chungchang a buaina emaw, hriatchian loh zawh fiah ngai te a awm chuan theih anga hma lo lakpui turin election office chu a in peih reng a ni, a ti.

Second Special Summary Revision, 2023 kaltlanga buatsaih Final Electoral Roll 2023 tlangzarh takin a tarlan danin Saitual District chhunga Assembly Constituency 3; 8-Chalfilh, 9- Tawi leh 21- Lengteng chhungah vote nei mi 55674 (mipa 27,572 leh hmeichhia 28,102) an awm mek a, Tawi ahhian Mipa voters aiin Hmeichhe voters an tam zawk a ni.

Assembly Constituency zingah 8-Chalfilh A/C ah vote nei mi 19968 (mipa 10075 leh hmeichhia 9893) awmin an tam ber a, 21-Lengteng A/C in dawtin vote nei mi 18,588 (mipa 9313 leh hmeichhia 9275) awmin an dawt a, 9-Tawi A/C-ah voter 17,118 (mipa 8184 leh hmeichhia 8934) awmin vote nei awm tlemna ber a ni.

Draft Roll 2023 nen a khaikhin in Voter hi AC pathum belhkhawm hian 574 in an pung a, 8-Chalfilh ah 227 pung in voter punbelh tam ber a ni a, 9-Tawi ah voter 121awm belh chu punna hniam ber a ni . Lengteng ahhian za zelah 1.24% pung in a percentage a punna sang ber a ni thung.

Saitual District chhunga Assembly Constituency 3 ah Polling Station 80 a awm mek a; 9/15- Keifang 1 Polling Station (9-Tawi AC) ah vote nei mi 1,301 awmin vote nei tamna ber Polling Station a ni a, 21/24-Tawitawkawn Polling Station-ah vote nei mi 54 awmin Polling Station vote awm tlemna ber a ni.

Vawiin a Final Electoral Roll tlangzarhna ah hian election officials te, BLO te NGO pawl hrang hrang aiawh te leh party aiawhte an kalkhawm a,  tlangzarh hnu hian Political Party aiawhte hnenah Final Electoral Roll Copy khat theuh a hlan nghal a ni. He hun ah hian kum 18 tling thar mi 6 te hnenah voter ID hlan a ni bawk.