2145/2023-2024

Dated Siaha 4th October, 2023: Vawiin chawhma dar 11 khan Pu Lalhmunsanga Hnamte, District Election Officer leh District Bawrhsap ni bawk chuan DC Mini Conference Room-ah kumin kumtawp MLA inthlanpui lo awm tur atan a hman tur 1st October, 2023 tehfung hmanga duan Final Electoral Roll chu a tlangzarh.

Pu Lalhmunsanga Hnamte (DEO) chuan district dangte ruala inthlanpui hmachhawn thei tura Final Electoral Roll tlangzarh a ni thei chu lawmawm a tih thu a sawi a. Final Electoral Roll puitlin a nih theih nana theihtawp chhuahtu Election Official-te fakawm a tih thu tarlangin Political Party, NGO leh Kohhrante thawhpuina tha tak avangin lawmthu a sawi bawk. Siaha bikah MDC leh VC by- Election tur atan E/Roll buaipui a nih avangin election official-te an hah hle tih sawiin, mipui ten an dikna chanvo an hlenchhuahna tur atana an thawhrimna a fakawm hle a ti. Roll tha leh rintlak tak neih chu duhthusam a ni a, chutih rualin Election Official-te chu mihring ve tho annih avangin tihsual palh awm thei a ni tiin hriatthiamna neih pawh a tul hle a ti bawk.

Vawiin Final Electoral tlangzarh takah hian 39-Saiha (ST) Constituency hnuaiah mipa voter-11530 leh hmeichhia voter-12596, a vaiin voter-24126 an awm a. 40-Palak(ST) Constituency hnuaiah mipa voter- 10084 leh hmeichhia voter-10279 an vaiin voter-20363 awm in, Siaha District pumpuiah mipa voter-21614 leh hmeichhia voter-22875, a vaiin voter-44489 an awm.

Kumin kumtawp a MLA inthanpui lo awmturah hian 39- Saiha(ST) Constituency ERO atan Pi Lalnunmawii ruat niin 40- Palak (ST) Constituency ERO atan Pi Rochuangkimi Khenglawt ruat a ni bawk.

Vawiin Final Electoral Roll tlangzarh tak hi Political party aiawh lo kalkhawmte hnenah Copy khat theuh (Hard leh Soft copy) Pu Lalhmunsanga Hnamte District Election Officer chuan a hlan nghal a ni.