CHANEM building enkawl chungchanga mawhphurtu tura ruat thar CHANEM Management Authority chu vawiin khan an Chairman Champhai DC Pu H. Lalengmawia hovin DC Conference Hall-ah an thukhawm.
DC chuan meeting sawihawnna hun hmangin, Chanem Management Authority chu Sorkarin society anga ding a, CHANEM building enkawl leh vawn fai chungchangah te, venhim kawngahte thuneihna engkim a pek thu sawiin, hmalak dan tur relho turin member-te chu a sawm a. Kan thil tha neihte hi phurritah an chan mai loh nan tangkai taka kan chhawr a ngai a ni, a ti. Vawiin thutkhawmah hian hmalak zel dan tur thlir turin Study Team din ni se tiin meeting chuan a rel a ni.
