Mizo Pipute hunlaia Rih Dil an ngaihpawimawh ang bawka an thinlunga hmun pawimawh chang Hringlang Tlang chu District Park changtlung taka buatsaih tura hmalak dan tur sawihovin vawiin khan Champhai Bawrhsap Pu Vanlalngaihsaka hovin DC Conference Hall-ah meeting neih a ni.

Bawrhsap chuan Champhai District mawina chhawpchhuak turin leh khualzin hip thei tura District Park changtlung tak neih chu a district chhung mipuite tan mai bakah Mizote tan thil hlu tak siamchhuahna tur anih thu a sawi a ni. Hringlang Tlang hi Champhai atang 22 Km a hla, Mualkawi khaw bul a awm a ni a.

Vawiin meeting-ah hian tourist spot atan Hringlang Tlang buatsaih theih dan tur hrang hrang sawiho a ni a.