Vawiin chawhma dar 11 khan DC Conference Hall, Keifangtlang, Champhaiah UNISDR - International Disaster Reduction-2017 chungchang sawi hona leh Zirtawpni October ni 13, 2017 a Mock exercise on Earthquake, Champhaia neih dan tur chungchang Champhai DC Pu Vanlalngaihsaka, IAS hovin rel a ni a. He hun hmanpui tur hian DM&R Directorate, Aizawl lam atangin Superintendent leh District Organiser (DM&R) Aizawl te pawh an lokal a ni.
Vawiin meetingah hian Incident Response System-a mawhphurtu tur officer hrang hrangte leh NGO lam aiawhte chu khuarel chhiatna (Disaster) lo thlen thut pawha an tih tur leh mawhphurhnate hrilhhriatna leh zirtirnate neih pui niin inpuahchah dan tur leh thil tul dangte sawiho a ni.
