Election Commission of India (ECI) in Sawrkar Pisa hrang hranga thawk ten inthlan leh a kaihhnawih thil an hriat zau zawkna tura Pisa tina Voter Awareness Forum (VAF) din theuh tura a tih bawhzuiin vawiin khan Champhai DC Conference Hall-ah VAF   din a ni. VAF hi Vote thlak kawnga mipuite zirtira, Vote thlak percentage a lo tam zawk theihna tura ECI Flagship programme pawimawh tak ‘Systematic Voters' Education and Electoral Participation (SVEEP) hnuaia peng pakhat a ni.

Voter Awaremess Forum, DC Office dinna hunah Champhai District Election Officer (DEO) leh VAF Chairman ni bawk Dr. Naveen Aggarwal chuan mipui rorelna democrary ramah   hlawhtling taka kan aiawh kan thlan theihna chhan pakhat chu Vote thlak thei tawh phawtten an  dikna leh chanvo  hmang tangkaia vote an thlak thin hi a ni, a ti a. ECI duhdan ang leh changvawn ‘No Voter be left behind’ hnuaiah Vote thlak thei tumah  hmaih lo a Vote thlak vek thei tura tanlak a nih thu a sawi a. Inthlan kaihhnawih zawhna neite tan Toll Free Number 1950-ah zawh   theih anih thu leh mahni Electoral Roll enfiah duh tan nvsp.in ah enfiah theih anih thu a sawi a. Inthlanni April Ni 11 ah pianphunga rualbanlo leh kum 80 chuangte tan vote thlaka an kal leh hawna tur Lirthei chawhma Dar 10 atanga chawhnu dar 1 thleng BLO-te ruahmannaa pek an nih tur thu a sawi bawk a.  Inthlan laia buaipuitute pawhin anmahni Polling Station-ah vote thlak hman lo mahse Election Duty Certificate (EDC) dilin he mi hmang hian Vote an thlak vek thei a ni, a ti a. Office Staff kalkhawmte chu Vote thlak theuh tur leh midangte pawh hemi kawnga zirtir chhawng ve zel turin a chah  a ni.

Pu Alan Lalthanzara, Election Officer (EO) Champhai pawhin inthlanna felfai leh thianghlim tak kalpui tur leh inthlan Vote percentage tisang tura tanlak puiah mipuite a sawm a. DC Office thawktute chu inthlan  buaipui kawnga thil thar leh hna kalpui dan tharte zir zela, election Office tawiawm tlat turin a sawm nghal bawk a ni.

He hun Pi Laldinfeli, SDC & Nodal Officer, Voter Awareness Forum (VAF) DC Office-ah hian  a duh apiangte tan nvsp.in kaltlangin electoral roll enfiahna  siam a ni a. Inthlan kaihhnawih Quiz siam anih bakah Postal Ballot hmanga Candidate list siam dante inhrilhhriatna hun hman a ni bawk.

Hetih rual hian Champhai District chhunga Sawrkar Pisa hrang hrang-ah te Voter Awareness Forum (VAF) hi Head Of Office-te Chairman-na hnuaiah din mek zel ani  a, VAF kaltlanga Activities-te pawh neih zel a ni a, heng an activities neih ang reng rengte hi District Election Office lamah an hrilhhre leh zel a ni.