Vawiin khan DC conference Hall Mamit-ah Pu Krishna Mohan Uppu Mizoram Addl.CEO hovin kumin MP General Election kan neih tur chungchangah Mamit District Election Official te ruahmanna leh in puahchahna tlangpui thlirletna neiin thukhawm a ni.         

Vawiin Meeting-ah hian Mamit District in Election kan  hmachhawn tura inpuahchahna tlangpui Pu Victor Lalawmpuia Election Officer,  Power Point Presentation hmangin sawifiahna hun a hmang a, Polling station pangai 116 bakah special polling station 9 Kanhmunah siam anih tur thu meeting ah hian tarlan a ni a.  Vawiin  hi Voters te Electoral roll ah thun tawp ni a nih thu tarlan a ni bawk. Mamit District chhungah Polling station 15 ah  Internet network remchan dan a zirin webcasting tih tura ruahman a ni bawk. Rualbanlo voters te tan pawh a tam thei ang berin vote an thlak theih nan ruahmanna siam sak a ni bawk. Security venhimna lamah CAPF( Central Armed Police Force) mamawh zat sawiho a ni a, nikum lama MLA General Election-a duty zatve vel mamawh a nih thu tarlan a ni. Tun dinhmunah Mamit District chhunga Police station hrang hrang atanga report a a lan danin silai tung 50% an awm tawh thu meeting ah hian tarlan a ni bawk.

Additional CEO hian Mamit District a Election counting hall tura ruahman LAD Conference hall chu a hmunah kalin a enfiah nghal a ni. Mamit District counting hall ah hian Table 14 dah tura ruahman niin round 9 neih tura ruahman chhin a ni.

 Vawiin meeting ah hian District bawrhsap DEO ni bawk leh Addl. SP bakah Election kaihnawiha Nodal Officer hrang hrang te an tel a ni. Aizawl atangin  Additional CEO hi  Jt. CEO Pu H. Lianzela bakah CEO office a OSD ten an tawiawm a ni.

Attachment

  • Loading attachment...