Khawvel hmundangte rualin vawiin khan World TB Day 2019 chu Kumtluang Hall, Mamit-ah hman a ni.

He hun hi Dr Vanlalfela, CMO Mamit chuan a kaihruaia, TB natna umbo tur leh anatna laka in ven chu mitin mawhphurhna a nih thu a sawi a, Mamit District chhunga PHC tinah he ni hi hman a nih thu a sawi, TB natna do tur leh anatna hrechiang tura kalkhawmte chungah lawmthu sawina a nei bawk.

Dr Lalmuanawma Jongte, District TB Officer chuan TB natna leh enkawlna bakah a invenna tur hrang hrangte, TB in kan taksa a tihchhiat dan leh Khawvel puma TB natna a kan dinhmunte a lem nen a tarlang a, Mamit District ah kum kalta chhungin TB vei nia rinhlelh mi 428 te khak exam a ni a, heta tang mi 28 te chu an khak exam atanga TB vei an ni tih hmuhchhuah niin, mi 71 te chu thil dang dang vanga TB vei an nia, 87% enkawl dam an ni bawk.

World TB Day hmanna hunah hian Dr Zirsangliana, Chhangte, DMS incharge chuan thusawi a nei a,  Dr Lalrinfela H, MO-TC chuan lawmthu sawina a nei bawk.

He hunah hian Mamit khawpui chhunga khawtlang hruaitu, tlawmngai pawl hrang hrang aiawh leh Mamit College zirlai te bakah Mamit District chhunga Health Department thawktu hrang hrangte an tel a ni.