Champhai Deputy Commissioner thar Pu Vanlalngaihsaka chuan nimin tlai khan DC charge chelh mek tu Addl. DC Pu C. Lalzarliana hnen atangin Champhai DC mawhphurhna a la. Charge inhlanna hun tawite DC Office chamber-a neih ah hian Champhai Kahrawt Pastor in hunserh a hmang a, DC office-a Officer leh staff-te an tel kim hle a ni.

DC thar Pu Vanlalngaihsaka chuan vawiin khan DC Conference Hall-ah DC Office-a staff leh officer bakah DRDA Office-a thawktute kawmna nei zuiin, District administration hlawhtling tur chuan DC office thawktute thawhhona tha a ngaih mai bakah department hrang hrangte thawh hona a pawimawh a tih thu a sawi a. Kan hna chu engpawh ni se, hna thawh tur a awm chhung chuan hna khawl khawm lovin thawh zel mai tur a ni, a ti a. Sorkar hnathawk tan hun vawndik pawimawh a tih thu DC chuan tarlangin, chutih rual chuan office hun pawnah pawh hna thil a chhuah tulna thleng thei ani a. Mahni tih tur reng a ni tih hre chungin thawh chhuah a ngaih chuan kal zel mai tur a ni, a ti.