Vawiin khan Champhai DFO Pu Vanlalchuailova chuan Champhai Zotlang YMA Park a hawng.

Pu Vanlalchuailova chuan khawvel boruak lum chak lutuk leh sik leh sa mumal lohna chhan leh kan tui hna a tlem nachhan hi kan ram ngaw leh nungcha kan tih chereu vang a ni a ti a, Zotlang Branch YMA in ramngaw mai ni lo nungchate thlenga an humhalh chu entawntlak a tih thu leh fakawm a tih thu a sawi.

Champhai Zotlang Branch YMA Park, kum 2008 atang enkawl tawh Hectare 81.7 a zau Sea level atanga Feet 5311 asang hi Champhai District fire Prevention Committee leh Green Mizoram Committee in June ni 2, 2015 khan Champhai Green Park atan an lo puang tawh bawk a ni.