Green Mizoram Day 2015 chu Zoram hmun dangte rualin  Mamit-ah pawh hman a ni a, Day hawnna pual inkhawm tawi Chhim Veng YMA Hall ah hman niin Pu C. Lalnunmawia SP Mamit chuan kaihhruaiin Pu Vanlalngaihsaka District Bawrhsap chuan khuallian niin a hmanpui bawk.

Pu Vanlalngaihsak chuan thing leh mau te hi boruak tha Oxygen siamtu leh boruak chhia hip raltu a ni a, khawvelin a buaipui em em Global Warming do nan thing phun uar a tul hle a ni tiin , ram thenkhatah chuan thingphun belh turin ram an nei tawh lova keini erawh chuan thing phun belh na tur ram kan la neia, Mamit District pawhin Green Mizoram Day apiangin kumtin thingtiak phun thar thin a ni a, thingtiak 46094 lai phun  ni tawhin a lawmmawm hle a ni a ti a,  thingphun uar zel turin leh phun tawh sa enkawl kawngah theihtawpa tan la sauh sauh turin Sawrkar Department hrang hrang leh Tlawmngai pawl hrang hrang thingtiak phun tura kalkhawm te a chah a ni.

Green Mizoram Day puala inkhawmah hian lawmman chi hrang hrang sem niin Kangmei ven kawnga hmala tha khua pathum 1. Chungtlang 2-na Zamuang 3-na Saithah leh Chanchinbu kangmei ven kawnga thuchhuah tha pathum 1-na  Mamit Times, 2-na Zolamtluang  3-na Hmarveng Aw leh Consolation Price ah Venghlun ten lawmman an la a, Best Electronic Media in Fire Prevention ah LSS Vision Kawnmawi  hnenah lawmman hlan an ni bawk. Hei bakah hian Best Planting Agency (Creation) ah 1-na MJA Mamit 2-na PWD leh PHED te niin Best Planting Agency (Maintenance) ah TKP Mamit Bial, 4th IR Battalion, Superintendent of Excise ten lawmman pakhatna la-in DRDA, SSA, DVO ten lawmman pahnihna an la a, 3-na hi Police (DEF) ten an la bawk a ni.

Pu C. Lalbiaka, DFO in hmalakna hrang hrang report pe-in Plot hrang hrang thingtiak phun dan tur inhrilhhriatna hun a nei bawk. Vawiin Green Mizoram Day ah hian Mamit to Bairabi kawngah Mamit khawchhunga Department hrang hrang ten thingtiak 120 phun belin kum hmasa lama mi cheithat hna thawh a ni bawk a ni a ni.