2674/2023-2024

Champhai the 5^th November, 2023 – Champhai District-a Polling Station 84 atana Driver duty tur te tan vawiin khan Keifangtlang Field ah Briefing neih a ni.

Champhai DC&DEO Pu James Lalrinchhana chuan election duty tur Driver te chu inthlan hlawhtlinna tur atana election staff pawimawh tak an nih thu sawiin Polling parties te leh EVM-te him dam taka hruaia lo let pui leh turin an mawhphurna tha taka hlen chhuak vek turin a chah a. Election kaihhnawiha an duty na lamah ruihhlo laka fihlim theuh turin a chah bawk a ni.

Champhai District a Polling Station 84 awm te chu P-1 vek niin, Polling Parties te hi November ni 6 ah vek DC Office, Keifangtlang atangin an chhuak dawn a. Polling party-te phur tur hian Bus paruk (6) leh MaxiCab 71 te ruahman a ni a. Polling party te hi zing dar 9:30 atanga Despatch Centre atanga chhuak hman thei tura beisei niin, Polling station hla a duty tur te an chhuak hmasa anga, khaw chhunga duty tur te chawhnu lamah an chhuak ang.

Election a duty tur driver te tan hian vawiin khan Postal Ballot kaltlanga vote thlakna hun ruahman sak niin, DC Office Keifangtlanga Voter Facilitation Centre ah Vote an thlak nghal a ni.