2675/2023-2024

Aizawl, the 5^th November,2023: ECI thupek angin vawiin tlai dar 4 atang khan Campaign hun a lo tawp ta a. November ni 5, 2023 (Pathianni) tlaidar 4:00 atanga vote thlakni November 7, 2023 (Thawhlehni) tlaidar 4:00 thleng, darkar 48 chhung hi Section 126 of RP Act, 1951 sawiangin 'Silent Period' a ni a. Hemi hun chhung hian Political campaign rawng kai reng reng neih phal a ni tawh lo a ni. Electronic Media kaltlanga election campaign lam thil kaihhnawih mipui rilru sukthlek tidanglam thei thil te tarlan/chhuah a rem tawh lova, MCMC pawmpuina hmu hmasa lovin Print Media kaltlanga Political advertisement chhuah khap a ni. Silent period chhung hian Dry Day puan a nih avangin zu leh ruihtheihthil zawrh leh in khaptlat a ni a, mipui ngaihdan lakna 'Opinion Poll' siamkhap a nibawk. Constituency pawn atanga Candidate puitu campaigner-te pawhin an campaign-na hmun an chhuahsan vek tawh tur a ni. Election Commission of India chuan Sec 126A of RP Act,1951 tlawhchhanin November ni 7,2023 zing dar 7:00 atanga November ni 30, 2023 tlaidar 6:30 thleng 'Exit Poll' siam a khapbawk.

Model Code of Conductleh Election kaihhnawih dan siamte hi Candidate, Political party leh Sawrkar hnuaia awm zawng zawngte’n tha taka an zawm chhunzawm zel CEO Mizoram chuan a beisei a. Hremna dan lekkawh ngai kher lova mahni inthunun (self-regulate) theuh turin a ngen nghal bawk a ni.

Vawiin vek khan General Election to Mizoram Legislative Assembly, 2023 atana P-2 Polling Station 149 a duty tur Polling party-techuan tukin dar 6 atang khan an duty-na tur hmun an pan tan a; a hnuhnung ber a chhuakte’n chawhnu dar vel khan an duty-na tur Polling Station an pan a ni. Heng bakah hian P-2 Polling Station nilo P-1 Polling Station 1,127 a duty tur Polling party-te chuan naktuk hian an duty-na tur hmun theuh an pan dawn bawk a ni.

ECI remtihna in Mizoram chhunga Polling Station 149 te chu P-2 (P minus 2) ah puan niin, hengte hi kalpawh harsa deuh leh thlen nana hun duh reite an nihhlawm avangin inthlan hma ni 2 ah duty-na tur pana Polling party-techhuahphalsak an ni.

Mizorama P-2 Polling Station kanneih dan chu hetiang hi a ni:-

Lunglei District-ah chuan Saikuti Hall kawt atangin P-2 Polling party 16 te chu Pi Ramdinliani, District Election Officer hovathlah an ni a. Siaha District-a P-2 Polling party 8 te chu DC Complex atangin District Election Officer Pu Lalhmunsanga Hnamte hova thlah an ni a. Lawngtlai District-a P-2 Polling party 86 te chu Govt. Lawngtlai College tual zawl atangin District Election Officer Pu Joseph H.Lalramsanga hova thlah niin, Mamit District-a P-2 Polling party 39 te chu DC Complex atangin Pu V.L. Remliana, District Election Officer hovathlah an nibawk.