NLUP 2nd Phase hnuaia Champhai District-a bawng sem tur chu tunah hian Shillong atanga lakluh mek a ni a. Champhai District tan hian bawng 132 lak tur a ruahman niin, bawng 110 chu him dam taka Vairengte-a Quarantine Station thlenpui a enfiah an nih hnu in, a dawngtu turten an khaw lam an panpui tawh a. Vawiin khan bawng 22 dang, trip hnuhnung ber tur chu Shillong atanga rawn thawn chhoh leh a ni bawk.

Tun tum NLUP bawng sem tur hi a dawngtu tur beneficiary ngeiin a lakna hmunah kalin an duh an thlang a. Champhai District atana sem tur hi Dr. Peter Malsawmtluanga, Veterinary Officer, Khawzawl chuan a lakna hmun Shillong-ah hian beneficiary-te kalpuiin bawng lak tur hi a buaipui a ni. Bawng hi Holstein Friesan Cross leh Jersey Cross breed lak a ni tlangpui.